نكت مغربية

علاش ما كتجريش؟




هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
جاوبو صاحبو: وعلاش نجري؟ مالي أنا اللي ضربتو؟





واحد بواحد




واحد غليض بزاف داز للفرماسيان باش يعبر، وهو تخرج ليه الورقة ديال الميزان مكتوب فيها: خوتي، واحد بواحد الله يخليكم




دجاجة انتحرت




واحد الدجاجة انتحرت و كتبات ف الوصية ديالها: إيوا شبعوا بضامة البنة




نزلني هنا


هادا واحد شرى طوموبيل فيها كمبيوتر. كان غادي صايك وهو يقول ليه الكمبيوتر: إيلا فتي 90 ف السرعة غادي تدير كسيدة. الراجل تنفخ، زاد ف السرعة، عاود قال ليه الكمبيوتر: إيلا فتي 120 ف السرعة غادي تدير كسيدة. الراجل ناض زاد ف السرعة، والكمبيوتر كل مرة كيعاود ليه نفس الهدرة. غير وصلات السرعة 180، و هو يقول ليه الكمبيوتر: الله يرحم باك نزلني أنا هنا خلاص




الفريت ومايونيز



واحد مشى عند صاحبو للمدينة ودار ليه صاحبو الفريت ومايونيز. قال ليه: بطاطا واخا، ولكن الزبدة علاش؟








مكرملة



واحد السبع كلا مرا شارفة وعجباتو... لحقاش مكرملة




مخاصمين

واحد المرا وراجلها مخاصمين وما كيهضروش مع بعضياتهم. الراجل بغى يفيق بكري باش يمشي للخدمة، كتب لمرتو ف ورقة: فيقيني مع 7:00، وحطها ليها حدا الناموسية. منين فاق لقى 10:00 وحداه ورقة مكتوب فيها: فيق، راه 7:00 هادي








مقلي




[هادا واحد كيقعل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي




داخ دردلاخ

هادا واحد مشى لهولندا و ماتيعرفش الهولندية، يالله تايعرف صباح الخير هي الداخ. وصل تماك بالليل وناض الصباح بكري تيدور بوحدو وتيتسنى يدوز شي واحد باش يقول ليه الداخ. شوية دازت واحد النصرانية وسبقاتوا قالت لو الداخ. معرفش باش يجاوبها وقاليها دردلاخ


عصبي وعصبية


احد ديما مقلق تزوج بوحدة ديما مقلقة و عصبية بحالو. النهار اللي جا الطبيب يولد مراتو خرج الولد تيقول للطبيب: سير بحالك ... بعّد مني ... هاني غنخرج ... وافوتني

علاش كيسقط؟


هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟ رد عليه صاحبو قال ليه: حيت ما قرا والو ف الصيف




الزوينة ف الطوبيس



هادا واحد طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها


دوز تحت الخط

هدا واحد السبيطار ديال الحماق ديما إيلا جا الطبيب ف الصباح كايلقى الحماق مضروبين كلهم ف الجبهة ديالهم إلا واحد. واحد المرة دارو ليهوم كاميرا باش يشوفو أشنو كيوقع. ملّي جاو الغد ليه خدمو الكاسيطا الي تسجلات لقاو هاداك لي مامضروبش كيرسم للحماق واحد الخط ف الأرض وكيقول ليهم: الي داز تحت هاد الخط نعطيه 200 درهم



ما كنتش فيها

واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها



حسب حتال 500



هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب.